Announcement

Hey there! Wanna get the latest updates straight from Devon herself?

You can now by typing DEVON ON
and send it to 2366.
Keep on supporting, guys! Thanks!

Sunday, January 2, 2011

HATE THAT I LOVE YOU Ch. 30-36

HATE THAT I LOVE YOU Ch. 30

“Aray! Dahan-dahan naman, Kuya Ayven!”
“You deserve it!” Lalo pang idiniin ni kuya Ayven ang bulak na may alcohol sa sugat ni Buddy. Kasalukuyan kaming nasa apartment ng kaibigan ni kuya Ayven na kapatid naman ni Turing.
“Kuya naman! Hindi naman ako ang naghamon ng away!”
“Pero pinatulan mo pa rin kahit na pwede ka naman nang tumakas!”
“E sa matagal na akong hindi nakakapag-exercise, alangan namang palampasin ko pa – aray!”
“I can’t belive you! Ang war freak mo!”
“Ayven, easy ka lang sa kapatid mo,” ani Turing. “Baka lalong lumala ang mga sugat ni Maya niyan.”
“Sa totoo lang, kuya Ayven, ang sarap lumpuhin ng kapatid mo!” Biglang sabat ni DD. Madilim ang mukha nito.
“Bakit ka sumasabat, ha, Impakto?” singhal dito ni Buddy. Nagkatinginan na lamang kami nasa paligid nila. Mukhang magsisimula na naman sila.
“Paano? Sumasakit ang ulo ko sa yo!” ganting singhal ni DD. “Now that I’ve realized it, pwede ka naman palang sumama na lang kay Pretchie sa pagtakbo. Pero mas sinunod mo pa rin ang pagiging war freak mo!”
“E sa kaya ko naman sila! Natalo ko nga ang mga hayuff na yun!”
“That’s not the issue here! Ang issue, di ka man lang nag-isip. Di mo man lang naisip na may nag-aalala sa ‘yo. Damn it, Maya! May mga armas ang mga iyon.”
“Obviously, you are the one who’s worried,” ani kuya Ayven. “Texting my girlfriend to cure this brat’s wounds. Tsk! Tsk! Tsk!”
“Sorry, DD,” biglang humingi ng paumanhin si Turing. “Kasama ko kasi si Ayven nung nagtext ka kaya ayan, nalaman niya.”
“So, hindi ka nagsumbong?”
“Do you think I will do that?”
“Ba, malay ko.”

“In fairness ha, gumaling nang major major si MM,” comment ni Kyra habang tinitingnan ang nagpa-practice na sina MM at Blet.
“Ang kailangan lang pala ni Maya eh riot para gumaling,” natatawang sabi ni Eslove.
“Anong riot?” tanong naman ni Shey.
“Hindi ninyo ba alam?”
“Magtatanong ba ako kung alam ko?”
“Ang taray mo naman.”
“Magkwento ka na kasi diyan, Eslove!”
“Excited ka?”
“Well, I want to know the story as well,” nakangiting sabi ni kuya Kean na bigla na lamang sumulpot sa isang tabi.
“Nakakagulat ka naman, sir!”
“Well, na curious ako sa riot na sinasabi nitong si Eslove,” nakangiti pa nitong sabi sabay biglang tingin sa stage nang masama. “May kalokohan na naman bang ginawa ang kapatid ko?”
“N-naku wala po, sir!”
“Totoo po yun.”
“Daniel, may ginawa bang kalokohan ang kapatid ko?”
“Wala po, sir Kean.”
Ngunit matiim lamang na nakatitig si sir Kean sa stage.

Days have passed. And so far so good. Buddy and Blet did well on their rehearsals at nakahabol naman sa deadline ang Press. She managed to pull it off, in an amazing fashion. And also, Carl left her alone at last. And so the day of the singing contest has finally come.

HATE THAT I LOVE YOU Ch. 31

“Ano ba, Maya! Huwag ka ngang gumalaw nang gumalaw diyan!” sita ni Shey kay Buddy dahil hindi nito maayusan si Buddy. Nasa backstage na sila kung saan gaganapin ang contest.
“Sorry, Shey, kinakabahan kasi ako eh.”
“Aba! Himala!” nang-aasar na sabi ni Kyra. Nang tingnan ito nang masama ni Buddy ay nag-peace sign ito.
Mayamaya ay dumating na ang mga boys sa pangunguna ni Blet.
“God, Maya! Why are you not ready yet?”
“Salamat sa pagpapawala ng kaba ko ha,” sarcastic na sabi ni Buddy.
“Take this,” ani DD na inaabot kay MM ang isang barya. Piso iyon.
“Anong gagawin ko dito?” maang na tanong ni Buddy bagaman inabot naman ang barya.
“If you placed that under your foot, your nervousness will be gone.”
“At saan mo naman napulot yan, DD?”
“That’s what I do.”
“Aaaaaaaaaawwwwww!!!”
“I’m just helping a friend.”
“Okay.”
“Hi, Maya!” Biglang sumulpot si Jack na may dalang mga bulaklak. Kasama nito si Jenny.
Nakangiting kumaway sa mga ito si Buddy.
“Naks! Talagang may flowers!”
“Excuse me.” At biglang nag walk out si DD.

“Nasaan na ang mga contestants?” ngarag nang sabi ng organizers. Malapit na kasing magsimula ang contest.
“Easy lang ate, andito lang po kami,” anang isang contestant.
“O, siya, siya get ready ha,” sabi ng organizer. “O, mag-draw lots na tayo para magkaalaman na kung ano ang magiging pagkasunud-sunod ninyo.”
Lumapit na ang isa sa pares. In our case, it was Blet.
“We’re the first to perform, MM.”
“Ano?!”
“Sorry naman,” ani Blet. “But think of it this way. At least, the nervousness will be gone agad.”
“Sinasabi mo yan sa akin e halatang kinakabahan ka rin naman.”
“At least, I’m not pale.”
“O, DD nagbalik ka!”
Ngunit mukhang walang napansin si DD at pumunta agad kay Buddy. Nagulat kami nang lumuhod ito sa harap ng kaibigan namin.
“Huy, anong ginagawa mo diyan?”
  Gently, tinanggal ni DD ang isa sa mga sapatos ni Buddy. Dahil nakatayo ito, muntik nang ma-off balance kung hindi lang nakabawi agad. Then nilagyan iyon ng piso at saka muling sinuot kay MM.
“Talagang confident ka sa coin trick mo ah.”
“Still feeling nervous?” Tumingala si DD pagkasabi nun. Yumuko naman si Buddy dito bagong nakangiting umiling.
“Mukhang wala na akong pag-asa talaga ah,” nakangiting comment ni Jack.
“Dude, ngayon mo lang napansin yan?”
“Well, dati pa,” nakangiti pa rin nitong sabi. “Nagbabakasakali lang.”
“Bilib din ako sa ‘yo. Nakakangiti ka pa.”
“Well, it’s not like pinaasa ako ni Maya,” ani Jack.
“So, suko ka na?”
Ngumiti lang ang manliligaw ni Buddy.

HATE THAT I LOVE YOU Ch. 32

The number went well. After their performace, there was a standing obation.
“Sure ball na! Kayo na ang magcha-champion!”
“Sana nga.”
And true enough, they really got the first place.
“Congratulations to Bret Honrado and Maya Soriano of Jaevon High School!” enthusiastic na sabi ng host habang nagwawala ang mga tao sa kaka-cheer. Nilapitan nito sina Maya at Blet sa stage. “So, how are you feeling right now?”
“Well, very happy,” nakangiting sabi ni Blet.
“Opo,” segunda naman ni Maya. “At gusto nga po pala naming pasalamatan si sir Kean na nag-train sa amin at sina ma’am Alex at ma’am Sandy for their advices.”
“Kean and Alex of Jaevon High School?”
“Kilala ninyo po ba sila?”
“Of course!” lalong na-excite ang emcee pati na rin ang mga teachers na naroon na tila kilala ang mga teachers namin. Then, ngumiti ito nang nakakaloko. “May we call on the trainors of kids? Kean and Alex.”
“Halata kayo, sir.”
“Bakit? I can’t see Sandy here.”
“E sir, mukhang ayaw nila.”
Sinenyasan kami ni Buddy. Kaya naman inalalayan namin ni DD ang mga teachers. Buti na lang, nagpapilit na sila this time.
“Tingin ko po, hindi na kami kailangan dito.”
“You’re a smart girl, Maya.”
“Tara let’s, Blet!”

“Ang galing naman! Bilib na ako sa inyo!” ani Buddy nang makababa sa stage. Kasabwat namin ang teacher na MC.
“Of course! E sa kwento pa lang ni sir Jules mukhang celebrity sina sir at ma’am sa mga singing contests.”
“Wala akong masabi, Kyra. Pagdating talaga sa mga ganitong bagay, lumelevel up ang utak mo.”
“Of course! I’ll level up to the highest level in the name of love.”
“Okay na sana, e, kaya lang ang corny ng banat mo.”
“Sige na, pandak ka na, Yong.”
“Ang dapat na gawan ng mission itong sina Yong at Kyra, eh.”
“Ang bait mo naman, Maya!”
“Pang-asar dapat yun, Kyra.”
“E kasi naman, kung meron man dito na dapat nang magkabalikan, kayo ni DD iyon.”
“Don’t start please.” Buddy rolled her eyes. “Hayan na sina kuya Kean at ma’am Alex, oh.”

“Alejandro, I don’t understand this,” nalilitong sabi ni ma’am Alex sa stage. “First of all, bakit namimilipit ka diyan? LBM?”
“Anubeh, Alex! Hindi ka ba kinikilig na ang first love mo ay nasa iyong tabi?”
“Is there anything I have to be happy about?”
“Ma’am! Hindi na po uso ang pakipot ngayon!” anang isang estudyante.
“Tamaaaa!!!”
“Kung ayaw po ninyo, amin na lang si Sir Fafaru!”
“Ipapamigay mo ba ako, Alex?”
“Ayeeeeeeeee!!!”

HATE THAT I LOVE YOU Ch. 33

“I can’t believe na papatol ka sa kalokohan ng mga batang ito at ni Alejandro, Kean!”
“You called me Kean again!” nakangising sabi ni sir Kean.
“This is getting ridiculous!” Naiinis na nagpakawala ng hininga si ma’am Alex at bumaba sa stage. Natahimik ang lahat.
“Galit ata si ma’am.”
“Kuya Kean, sundan mo kaya,” naiinis na bulong ni Buddy.
“Paano susundan eh galit na nga ata?” sabi ni Shey. “At dapat yata kayong mabahalang tatlo dahil baka sermunan kayo niyan.”
“Oo nga no.”
“Napapala ninyo sa pakikialam ng lovelife ng iba. At mga teachers pa talaga natin.”
“Patawad po, Tatang Eslove.”
“Pero hindi naman ako papayag na hindi sila magkatuluyan,” determinadong sabi ni Buddy.
“Buddy!” Napangiwi ako sa nakitang expression ng Buddy ko. Super determinated much.
“Ako rin,” nakasimangot na sang-ayon ni Kyra.
“Hindi natin hawak ang mga puso nila.” Napalingon kami sa sinabi ni Yong.
“Ikaw ba ‘yan, Yong?”
“Makinig kayo at minsan lang ako magseryoso!” ani Yong. “Kahit ba sabihin nating kinilig kayo sa nalaman ninyo, may mga napapansin kayong something, tandaan na may sariling isip ang mga yan. Besides, they should know better than us. They’re adults!”
“Hate to say this but Yong has a point,” ani Shey.
“Kids!” Nagulat kami nang biglang sumulpot si sir Kean. “Halikayo, I’ll treat you dinner.”

“Kuya Kean, alam mo kesa ilibre mo kami, may mas dapat kang gawin,” parinig ni Buddy habang nakasakay kami sa kotse ni kuya Kean.
“Sabi po ni ma’am Alex nasa bahay na raw po siya,” sabi naman ni Kyra.
“Hindi rin makulit ang dalawang ‘to no?” naiinis na comment ni Yong.
“How crazy!” segunda naman ni DD.
“Sabi na nga ba!”
“Ano yun, Kuya Kean?”
“Na inaalam ninyo ang tungkol sa amin ni Alex.”
“Nagkaroon po ng dalawang fantards ang loveteam ninyo ni ma’am Alex.”
“Seems like it.”
“Kuya Kean, napulot ko sa locker ko.” Biglang inabot ni Buddy ang loveletter. Napakunot tuloy ang noo ng kapatid nito.
“Bakit nasa ‘yo ‘to?!”
“Napulot ko sa locker ko tapos inalam naming kung sino ang nagsulat at well…nalaman nga namin na sa ‘yo galing at kung para kanino nga yan.”
“Kumanta pala si Turing.”
“It’s actually a coincidence. Bakit ba naman kasi kay Turing mo pinasulat e alam mo namang close kami nun at henyo si Lyan sa mga handwriting kahit na ibahin mo pa ang penmanship mo.” Napailing pa ang kaibigan ko. “So, anong balak mo diyan?”
“Get a life bunso!”
“Or better yet, ayusin mo ang lovelife mo Maya!”
“And why does it always involve me?”
“DD, sinabi ko bang ikaw? Napaghahalataan ka!”
That made DD blush.

HATE THAT I LOVE YOU Ch. 34

Days later…

“Daniel, nayaya mo na ba itong si Maya na maging date sa Prom?” tanong ni Papa Bear. Ilang araw na lamang at prom na. Excited na actually ang lahat lalo na ang mga magkakarelasyon.
“Well…”
“Andito siya, yayain mo na!” susog ni Eslove. Nabatukan tuloy ito ni Buddy.
“Hindi ka rin sira ano!” nakasinghal na sabi ni Buddy na halatang nahihiya kay DD.
“At least, hindi ako namumula.”
“Bakit kaya di mo na lang yayain si Buddy na maging date mo para di ka maunahan ni Blet?”
“Good idea!” sambit ni Eslove na umaliwalas pa ang mukha. “Pretchie my labs, pwede ka bang maging date sa Prom?”
“Sorry dude, naunahan na kita,” ani Blet.
“Kasi naman, nang-aasar ka pa ng ibang tao, naunahan ka tuloy,” pang-asar na sabi ni Buddy. “May date na ba kayo maliban sa kabibigo pa lang na si Eslove?”
“Unfortunately, si Kyra ang date ko,” ani Yong. Hinampas tuloy siya ni Kyra.
“Kami ni Papa Bear ang date,” sabi naman ni Shey.
“And of course, Pretchie here is my date,” sabi naman ni Blet.
“Wawa naman Eslove!” pa-baby talk na pang-aasar ni MM. “Gusto mo, tayo na lang magsama sa Prom? Para di ka naman lumabas na kawawa diyan.”
“How about DD?”
“Ang impaktong ‘to? Baka nga mga girls pa magyaya diyan, eh!”
“Jealous?”
“Kapal din ng mukha talaga ano? Bakit naman ako magseselos?”
“Maybe because you still love me?”
“Go Daniel!”
“Ewan ko sa ‘yong hayuff ka!” ani MM na nag-walk out.

“So, anong nakain mo at tumapang ka yata ngayon?” ani Yong nang makaalis si MM.
“What do you think of me? Torpe?”
“Well, some kinda…”
“What?!”
“Hindi mo naman kasi nililigawan talaga si Buddy eh. Ano bang nakain mo at biglang nagpahaging ka sa isang ‘yon?”
“Ang tagal tagal na naming nahihilo sa away-bati, feeling-ninyo-kayo pa-rin mode ninyong dalawa, no?”
“Kyra’s right.”
“Handa mo na bang ipagpatuloy yan?”
“Guys, I am not doing anything yet!”
“Pero may balak ka?”
“Of course!”
“Yown!”
“It’s about time ano? Bago man lang tayo g-um-raduate ng highschool, e magkaroon ng conclusion ang love story ninyo.”

“Buddy, ano to?”
“Roses.”
“Kailan ka pa naging pilosopo, Precious? I mean, bakit mo ko binibigyan nito?”
“Ano pa eh di may nagpapabigay.”
“At sino naman? Huwag mong sabihing galing yan sa triceratops na si Carl?”
“Hindi no.”
“Kanino? Kay Jack-Jack?”
“Hindi rin.”
“Kanino ba talaga?”
“Wala ka na bang naiisip na pwedeng magbigay sa ‘yo?”
“Meron?”
“Sino?”
“Si Kuya Kean.”
“Mali na naman!”
“E sino ba kasi?”
“Si DD.”
“Ano?!”

HATE THAT I LOVE YOU Ch. 35

“Asan na ba yang hayuff na yan?”
“Buddy, sa lahat naman ng binigyan ng bulaklak ikaw pa ang manunugod.”
“Buddy, ano ba kasi ang gusto niyang palabasin?” Pinatunog pa nito ang mga daliri nito. “Kailangang magtuos kami ni Daniel!”
“Hi Pretchie – ”
Hindi na naituloy ni Blet ang sasabihin nang pitseran ito ni MM. “Asan ang hayuff mong kaibigan?”
“Easy lang, Maya,” ani Blet na tinangkang tanggalin ang mga kamay ni Buddy but to no avail. Nakatingin na sa amin ang ibang mga estudyante. “Ano bang nahithit nitong Buddy mo?”
“Roses na galing kay DD.”
“Mamaya na kayo magdaldalan diyan! Asan ang impaktong si Daniel?”
“My, my! Are we violent here, Maya?”
Pagkarinig ng boses ni Daniel ay binitawan agad ni Buddy ang polo ni Blet at ang una naman ang pinitseran.
“Anong ibig sabihin ng pinadala mong mga bulaklak?”
“What do you think?” nakangiting balik-tanong ni DD.
“Huwag ka ngang ngumiti diyan at sagutin mo ang tanong ko!”
“Bakit ba binibigyan ng isang lalaki ang isang babae ng bulaklak? Lalo na’t paborito ng babaeng ‘yun ang bulaklak?” Tumiim ang mga titig ni DD pagkasabi ng second sentence.
Nanlaki ang mga mata ni MM. “Nanliligaw ka?”
“I am. Pwede ba?”
“Hindi.”
“Well, it’s not that I needed permission,” hinapit ni DD ang baywang ng dalagitang pinipitseran siya. “I’ll still court you anyway!”
Kumawala si MM.
“Magkakasubukan tayo.” Muling nagwalk out si Buddy at hinila pa ako.

“Eslove, may date ka na sa Prom?”
“Nang-aasar ka ba talaga?”
“Kung wala, tayo na lang.”
“Ha?” tila end of the world na ang naging reaksyon ni Eslove. “Utang na loob, Maya! Kaibigan ko si Daniel. At ayoko siyang makaaway!”
“Lalong ayaw mo akong makaaway no!”
“Maya, iba na lang pwede?”
“Wala na akong ibang maisip,” napabuntong hininga si MM. “Tinanggihan din ako ng pinsan kong magaling. Maawa daw ako sa kanya.”
“Sa akin, Maya, maawa ka rin!”
“Ang duwag mo naman!”
“Kailangan ko bang magpakatapang para sa yo?”
“Good point.”
“Salamat Pretchie my labs!”
“Huwag na lang kaya akong um-attend sa prom?”
“Buddy!”
“What?”
“Gusto mong mabungangaan nina Shey at Kyra?”
“Yun lang!”
“Saka bakit ba ang paranoid mo?” usisa ni Eslove. “Niyaya ka na ba ni DD?”
“Sino kayang may dialogue na maawa daw ako sa kanya?”
“Well, to answer your question Eslove, hindi pa naman nayayaya ni DD si Buddy dahil walk out queen ang drama ng bruha.”
“At kailangan ko siyang maunahan no? Kailangang magka-date ako sa prom.”
“Oo na! Basta huwag mo akong idamay diyan.”
“So mas importante sa ‘yo ang impaktong ‘yon kesa sa akin?”
“Maya, alam mo naman kaming mga boys! Hindi pwede ang trayduran!”
“Ang drama mo! Diyan ka na nga!”

HATE THAT I LOVE YOU Ch. 36

“Hindi mo ‘ata kasama ang buddy mo?” ani Shey. Naglalakad kami sa hallway papuntang canteen.
“Nagpunta si Buddy sa Library. Magpapakahenyo daw muna siya.”
“Para ba ‘yan sa contest na naman na sinalihan ni Maya?”
“Yep! Math contest naman ngayon.”
“Masyadong in-demand pala si MM.”
“Goodluck kay DD.”
Nagkatawanan kami.
“Anak ng tokwa! Di ba ang magaling mong kaibigan ang tumatakbo, Pretchie?”
“Oo nga no!”
“Papunta sa direction natin…”
“Bakit kaya?”
“Itago ninyo ‘ko! Utang na loob!”
“Anong problema, MM?”
“Papa Bear, ang impakto, nambubwisit na naman!”
“Impakto? Si DD ba yan?”
“Itago ninyo ko!”
“So, you’re here!”
Napatalon sa gulat si Buddy nang marinig ang boses ni DD. Smug na smug tingnan ang loko.
“Bakit ka ba sunod nang sunod sa akin, ha, impakto?”
“May pustahan tayo di ba?”
“Papa Bear, tago mo ko, dali!”
“Mag-explain ka muna.”
“Oo nga naman, Maya!”
“Ewan ko sa inyo!” naiinis na pakli ni Buddy at muling kumaripas ng takbo sa hallway. “Hasta la vista, amigos!”

“Hey! Guys, I need to catch that little rascal. Get out of my way, please.”
“Magpaliwanag ka muna,” ani Papa Bear. “Tutulungan ka pa naming sa babaeng ‘yun.”
“Papa Bear – ”
“Huwag kang magulo diyan, Precious. Naiirita na ako sa kadramahan ng dalawang ‘to, eh!”
“Basta huwag ninyo akong isali sa kalokohan ninyo.”
“Uy, Precious, wag mong sabihing kay MM ka kakampi?”
“Of course!”

“Buddy, ano ba kasing pustahan ninyo ni DD?”
We are at Buddy’s room.
“Ang kasunduan namin ng impakto, kung mahuhuli niya ako sa loob ng kwarenta y otso oras, kami ang magiging date sa prom.”
“Ha? E paano ang math contest?”
“Apparently, pumayag si miss Kris na pansamantalang matigil ang pag-re-review namin for this stupid bet,” naiiling na sabi ni MM. “Iba rin ang trip ng teacher nating ‘yun. Wa ako ma-say!”
“Ibang klase nga.”
“At least neutral siya. Hindi gaya ng mga kaibigan natin na kampi kay Daniel.”
“Paano naman kasi, umabot sa ganito ang drama ninyong dalawa.”
“Hindi aabot sa ganito kung hindi nagdeklara ang impakto na liligawan daw niya ako. Badtrip!”
“Ano naman kasi ang masama kung manligaw siya sa ‘yo?”
“Basta masama siya, Buddy!” naiinis na napahugot ng hininga si MM. “Alam mo naman ang kwento. Badtrip talaga ang impakto! Nag-promise siya eh!”
“Ano ngayong balak mo?”
“Hindi ko rin alam.”
“Bakit? Dahil ba malapit ka nang bumigay?”
“Haler?! Buddy naman, wala akong balak na isuko ang Bataan!”
“Ang laswa mo naman!”
“Sira! Idiomatic expression yan!”



Home
Previous

8 comments:

  1. ✮✮✮✮✮ for the cute story..&
    ✮✮✮✮✮✮✮✮✮✮ for the wonderful writer!

    i really ❤ this story!
    •‿•
    sana my next na 'to kaagad:D

    ReplyDelete
  2. ..ang tagal ko 2ng hinintay!..
    ..thanks po at pinost nio n po..
    ..thnx so much!..
    ..<3..

    ReplyDelete
  3. salamat po at nagustuhan ninyo :)

    ReplyDelete
  4. lhee next chap na! :)))- vanziemahal

    ReplyDelete
  5. hello ate vanz :)
    waaaaaaahhhh!!! sana makagawa ako ng kahit ilang pirasong chapters this weekend T_T

    ReplyDelete
  6. pls update soon.. thanks.. :)

    ReplyDelete